Gjyqtari anglez i njohur Michael Oliver do të jetë gjyqtar kryesor në ndeshjen finale të plejofit për Kupën e Botës 2026 mes Kosovës dhe Turqisë, që zhvillohet më 31 mars në stadiumin “Fadil Vokrri” në Prishtinë. Asistentë të tij do të jenë Stuart Burt dhe James Mainwaring, ndërsa gjyqtar i katërt do të jetë Christopher Kavanagh. Fituesi i kësaj ndeshjeje do t’i bashkohet Shteteve të Bashkuara të Amerikës, Paraguait dhe Australisë në grupin për Kupën e Botës 2026, e cila do të zhvillohet nga 11 qershori deri më 19 korrik 2026. Ky është një moment historik për kombëtaren e Kosovës, që për herë të parë mund të sigurojë pjesëmarrjen në një Botëror.