Porto dhe Milani kanë rifilluar negociatat për transferimin e Santiago Gimenezit, pas refuzimit nga Milani të ofertës së parë të klubit portugez. Propozimi fillestar i Portos parashikonte huazimin e sulmuesit me të drejtë blerjeje për 15 milionë euro, me kushtin që blerja të bëhej detyrim nëse arriheshin disa kritere sportive, por Milani kërkon një formulë më të sigurt për investimin e tij. Gimenez, i cili u transferua në janar 2025 nga Feyenoord, nuk ka arritur të përsërisë performancën e tij në Itali, dhe e ardhmja e tij në “San Siro” mbetet e pasigurt. Porto e sheh sulmuesin meksikan si një përforcim të rëndësishëm dhe po përgatit një ofertë të re për të bindur Milani-n që të lejojë largimin e tij.