Milani ka zyrtarizuar transferimin e mbrojtësit spanjoll Mario Gila nga Lazio, duke e lidhur me klubin kuqezinj me një kontratë pesëvjeçare deri në qershor 2031. Për kartonin e 25-vjeçarit, Milani do të paguajë rreth 28 milionë euro, përfshirë bonuset, ku gjysma e shumës do t’i shkojë Real Madridit, klubit ku Gila u rrit si futbollist. Mbrojtësi, i cili ka debutuar me kombëtaren e Spanjës në vitin 2025, shihet si një përforcim i rëndësishëm për prapavijën e skuadrës, ndërsa do të mbajë fanellën me numrin 34 dhe do të përfitojë një pagë prej 4.5 milionë eurosh në sezon. Ky është afrimi i dytë i Milanit në merkato pas sulmuesit Goncalo Ramos, duke treguar ambiciet e klubit për sezonin e ardhshëm.