Pas humbjes në transfertë ndaj Napolit, Milani ndodhet nën presion për të reaguar dhe synon fitoren ndaj Udinese në “San Siro” për të mos humbur më shumë pozita në renditje. Trajneri Masimiliano Alegri po konsideron ndryshime taktike, përfshirë mundësinë e një sulmi me tre lojtarë, ndërsa gjendja e disa futbollistëve mbetet për t’u vlerësuar. Rafael Leao, i cili luajti pak minuta në ndeshjen e fundit, nuk është ende në formën optimale, ndërsa Mateo Gabia është rikuperuar nga dëmtimi, por pritet të nisë nga stoli. Në mbrojtje, nga minuta e parë pritet të aktivizohen Fikajo Tomori, Koni De Uinter dhe Strahinja Pavloviç përballë një Udinese që ka treguar forcë në javën e fundit.