Milani është në alarm përpara ndeshjes së rëndësishme kundër Juventusit, pasi mbrojtësi Matteo Gabbia ka pësuar një dëmtim dhe nuk ka marrë pjesë në stërvitje me skuadrën. Ende nuk është e qartë shkalla e dëmtimit të tij, por raportimet e para nuk tregojnë një problem serioz. Stafi mjekësor shpreson që Gabbia të rikthehet në stërvitje deri të premten, për të qenë i gatshëm për sfidën e së dielës. Vendimi për pjesëmarrjen e tij do të merret pas stërvitjes së së shtunës, duke lënë të hapur mundësinë që ai të mungojë në këtë përballje të rëndësishme.