Milani po përpiqet të realizojë një transferim të rëndësishëm në minutat e fundit të merkatos, duke synuar mbrojtësin 21-vjeçar Tiago Gabriel nga Lecce. Klubi kuqezi ka bërë një ofertë mbi 20 milionë euro, por ajo është refuzuar nga Lecce, që kërkon një shumë mes 25 dhe 30 milionë eurosh për talentin portugez. Tiago Gabriel ka shprehur qartë dëshirën e tij për t’u transferuar te Milani, ndërsa priten kontakte të reja mes palëve për të gjetur një marrëveshje para mbylljes së merkatos në orën 20:00. Një faktor i rëndësishëm në këtë negociatë është agjenti i lojtarit, Jorge Mendes, i cili ka ndihmuar më parë Milanin në transferime të tjera dhe mund të luajë rol kyç në finalizimin e këtij operacioni.