Milani po përballet me një humbje financiare prej rreth 60 milionë eurosh për shkak të rikthimit të tre lojtarëve të huazuar: Samuel Çukvueze, Junus Musah dhe Ismael Benaser. Klubet ku ishin të huazuar lojtarët nuk do të ushtrojnë opsionet e blerjes përfundimtare, duke bërë që Milani të mos përfitojë nga transferimet e tyre. Nga këta, vetëm Çukvueze ka një mundësi të vogël për të qëndruar në Fulham, nëse Milani ul kërkesat financiare. Megjithatë, klubi kuqezi ka siguruar tashmë rreth 30 milionë euro nga transferimet e tjera, por rikthimi i këtyre tre lojtarëve mbetet një sfidë e rëndësishme për planet e merkatos së Milanit.