Milani ka prezantuar fanellat e reja për sezonin 2026/27, të cilat rikthejnë vijat e trasha kuq e zi, një element që karakterizon historinë e klubit italian. Fanellat do të debutojnë në ndeshjen e fundit të Serie A kundër Cagliarit në San Siro, ku një fitore do t’i siguronte Milanit kualifikimin në Ligën e Kampionëve. Dizajni i ri përfshin vija vertikale të mëdha në pjesën e përparme dhe të pasme, pantallona të bardha dhe çorape kryesisht të zeza me detaje të kuqe, duke theksuar identitetin e klubit. Në pjesën e pasme të qafës ndodhet një vulë dylli me stemën e Milanit, që simbolizon lidhjen e thellë mes klubit dhe tifozëve në mbarë botën, ndërsa fanellat janë prodhuar nga Puma, partneri i klubit që nga sezoni 2018/19.