Milani arriti të fitojë me rezultatin 1:0 në ndeshjen kundër Veronës në xhiron e 33-të të Serie A, duke u ngjitur në vendin e dytë në renditje. Golin e vetëm të takimit e shënoi Adrien Rabiot në minutën e 41-të, me asistencën e Rafael Leao, ndërsa Ardon Jashari qëndroi në stol. Kjo fitore erdhi pas dy disfatesh radhazi për Milanin dhe e afroi skuadrën në vendin e dytë me 66 pikë, po aq sa Napoli në vendin e tretë, megjithëse Interi mbetet lider me 78 pikë dhe me gjasa të forta për titull. Ndërkohë, Verona pësoi një humbje të rëndë që e la në vendin e fundit me vetëm 18 pikë, duke minimizuar dukshëm shpresat për mbijetesë në elitën e futbollit italian.