Milani ka vendosur një çmim prej rreth 35 milionë eurosh për sulmuesin francez Christopher Nkunku, ndërsa Roma, RB Leipzig dhe Borussia Dortmund kanë shfaqur interes për të. Nkunku nuk është më pjesë e planeve kryesore të Milanit për sezonin e ri, pasi u la jashtë skuadrës për miqësoren ndaj Manchester United dhe nuk mori pjesë në stërvitjet me pjesën tjetër të ekipit. Milani pranon oferta dhe nuk përjashton mundësinë e një huazimi me të drejtë blerjeje në fund të sezonit, nëse klubet nuk paguajnë menjëherë shumën e kërkuar. Me interesin e tri klubeve, e ardhmja e Nkunku-së pritet të jetë një nga temat më të nxehta në ditët e fundit të merkatos.