Situata e Milot Rashicës te Beshiktashi mbetet e paqartë, me mundësi të mëdha që futbollisti kosovar të qëndrojë në klub edhe për sezonin e ardhshëm. Paga e lartë prej 2.5 milionë eurosh në vit është një pengesë kryesore për transferimin e tij në një skuadër tjetër evropiane, pavarësisht interesimit të madh. Beshiktashi ka vendosur ta shesë Rashicën për 5 milionë euro, pasi nuk e konsideron më pjesë të projektit të klubit, por deri tani nuk ka arritur ta transferojë. Rashica, 30 vjeç, ka shënuar vetëm një gol në 6 paraqitje këtë sezon dhe është pjesë e Beshiktashit që nga viti 2023.