Milot Rashica pritet të mbetet lojtar i lirë gjatë këtij muaji pasi Beshiktashi po shqyrton mundësinë e shkëputjes së kontratës me të. Klubi turk është i detyruar të lehtësojë largimin e Rashicës për shkak të pagës së tij të lartë prej 2.5 milionë eurosh në vit dhe kufizimeve për numrin e lojtarëve të huaj. Drejtuesit e Beshiktashit do të takohen me përfaqësuesit e Rashicës për të diskutuar zgjidhjen më të mirë, duke qenë të gatshëm ta lehtësojnë transferimin në një klub tjetër ose, në mungesë të ofertave, të paguajnë rrogën e plotë për shkëputjen e kontratës. Rashica u transferua në vitin 2023 nga Norwich City për 5 milionë euro, por nuk bën pjesë në planet e klubit për sezonin e ri.