Milot Rashica pritet të largohet nga Besiktasi gjatë afatit kalimtar veror, pasi nuk është pjesë e planeve të klubit për sezonin e ri. Klubi turk Kocaelispor ka shfaqur interes serioz për sulmuesin kosovar dhe ka zhvilluar takime me menaxherin e tij për të diskutuar kushtet e transferimit. Besiktasi kërkon 2 milionë euro për kartonin e Rashicës, por deri tani nuk është arritur asnjë marrëveshje mes palëve. Përveç Kocaelisporit, menaxheri i Rashicës është në bisedime edhe me disa klube të Bundesligës, duke lënë të hapur mundësinë e një transferimi në futbollin gjerman.