Milot Rashica është përjashtuar nga skuadra e Besiktasit për ndeshjen ndaj Çorumut, ndërsa e ardhmja e tij në klub mbetet e pasigurt. Drejtuesit e klubit turk kanë nisur bisedimet për ndërprerjen e kontratës me futbollistin kosovar, i cili ka edhe një vit kontratë dhe një pagë prej rreth 2.5 milionë eurosh në sezon. Pavarësisht interesimit nga disa klube evropiane, paga e lartë e Rashicës po e bën të vështirë gjetjen e një destinacioni të ri. Deri tani, Rashica dhe menaxheri i tij kanë refuzuar ofertën për ndërprerje të marrëveshjes, ndërsa Besiktasi vazhdon përpjekjet për të gjetur një zgjidhje, duke e prioritizuar transferimin në një klub tjetër ose, në mungesë të ofertave të përshtatshme, ndërprerjen me marrëveshje të dyanshme.