Milot Rashica, sulmuesi 29-vjeçar me kontratë të vlefshme deri në verën e vitit 2027 me Besiktas, pritet të largohet nga klubi i Stambollit në fund të sezonit. Gjatë këtij sezoni, Rashica ka luajtur në 30 ndeshje, kryesisht si zëvendësues, duke shënuar 2 gola dhe dhuruar 5 asistime, por performanca e tij nuk ka bindur trajnerin Sergen Yalcin, i cili kërkon një ndryshim rrënjësor në skuadër. Vlera e tij në “Transfermarkt” është 4 milionë euro, por Besiktas kërkon të paktën 8 milionë euro për ta shitur, ndërsa deri tani nuk ka oferta konkrete për shqiptarin. Pritet që gjatë verës të ketë zhvillime në lidhje me të ardhmen e Rashicës, ndërsa lista e largimeve nga klubi është e gjatë.