Kombëtarja shqiptare e futbollit për grupmoshën U-15 do të zhvillojë dy ndeshje miqësore kundër përfaqësueses së Malit të Zi në fillim të shtatorit. Ndeshja e parë do të luhet më 1 shtator në Mal të Zi në orën 17:00, ndërsa takimi i dytë më 3 shtator në stadiumin “Loro Boriçi” në Shkodër në orën 11:00. Këto miqësore kanë si qëllim përgatitjen dhe testimin e futbollistëve të rinj, duke u dhënë mundësi trajnerit të ri Bledar Borova dhe stafit të tij të evidentojnë talentet premtuese. Këto sfida janë një hap i rëndësishëm për ndjekjen e zhvillimit dhe potencialit të lojtarëve të kësaj grupmoshe në kuadër të përgatitjeve të ardhshme të ekipit.