Barcelona ishte e detyruar të anulonte ndeshjen e dytë miqësore të planifikuar në turneun veror në Angli, pasi skuadra angleze Preston North End nuk kishte numër të mjaftueshëm futbollistësh për të zhvilluar takimin. Mungesa e lojtarëve u shkaktua nga dëmtime të shumta dhe nevoja për të aktivizuar futbollistë nga ekipi rezervë, gjë që nuk u pranua nga Barcelona. Për këtë arsye, ndeshja që duhej të luhej me dyer të mbyllura në qendrën stërvitore St George's Park u anulua dhe në vend të saj skuadra katalanase zhvilloi një seancë stërvitore. Kështu, turneu veror i Barcelonës në Angli përfundoi me vetëm një ndeshje miqësore, atë ndaj Birminghamit, që përfundoi në barazim 2-2 dhe humbje në penallti.