E ardhmja e Mohamed Salah mbetet në qendër të vëmendjes së merkatos verore, pasi një klub i madh nga Arabia Saudite ka paraqitur një ofertë të jashtëzakonshme për yllin egjiptian. Klubi arab i ka propozuar Salahut një kontratë afatgjatë deri në vitin 2028, me mundësi vazhdimi edhe për një sezon tjetër, duke synuar ta transferojë si lojtar të lirë pas largimit nga Liverpool. Interesimi i klubit saudit për Salah nuk është i ri, por kontaktet janë intensifikuar së fundmi, duke e bërë këtë ofertë një nga më seriozet deri tani. Megjithatë, Mohamed Salah ende nuk ka marrë një vendim përfundimtar, ndërsa javët në vijim priten të jenë vendimtare për të ardhmen e tij në futboll.