Përzgjedhësi i Kombëtares së Turqisë, Vincenzo Montella, ka vlerësuar lart paraqitjen e Kosovës pas finales së play-off-it për Kupën e Botës 2026, duke theksuar se "Dardanët" i shkaktuan shumë telashe skuadrës së tij. Ai pranoi se ndeshja ishte një test i vërtetë dhe se Kosova ka një ekip shumë cilësor dhe të organizuar, që luajti me nder dhe ritëm deri në fund. Montella shprehu keqardhje që vetëm një skuadër mund të kualifikohej, duke përgëzuar edhe trajnerin dhe presidentin e Kosovës për sjelljen sportive dhe respektin e treguar. Megjithatë, Turqia arriti të fitojë 1:0 në "Fadil Vokrri" dhe do të jetë në grup me Australinë, SHBA-në dhe Paraguain në Botërorin e ardhshëm.