Jose Mourinho vazhdon të përmendet si kandidati kryesor për trajner të Real Madridit për sezonin 2026/27, por vetë portugezi mohon çdo kontakt zyrtar me klubin spanjoll. Ai thekson se në futboll janë klubet që tregojnë interes për trajnerët dhe jo profesionistët që vendosin për largimin apo qëndrimin e tyre. Mourinho ka deklaruar se nuk do të hyjë në asnjë bisedë deri pas ndeshjes së fundit të Benficas në kampionat dhe se periudha e lirë për biseda do të nisë vetëm pas kësaj. Ndërkohë, raportimet thonë se agjenti i tij ka zhvilluar bisedime me Real Madridin, ndërsa klubi nuk pritet të marrë vendim për trajnerin deri pas përfundimit të garës për titull në La Liga.