Jose Mourinho pritet të rikthehet si trajner i Real Madridit, me marrëveshjen që thuhet se është arritur dhe vetëm zyrtarizimi mbetet. Aktualisht trajner i Benficas, Mourinho mund të largohet nga klubi portugez pas pagesës së klauzolës prej tre milionë eurosh. Rikthimi i tij shihet si një përpjekje për të rikthyer disiplinën dhe konkurrueshmërinë në një skuadër që ka kaluar një sezon të vështirë pa fituar trofe dhe me tensione të brendshme. Kjo do të jetë aventura e tij e dytë në "Santiago Bernabeu", ku më parë fitoi La Ligan dhe Kupën e Mbretit, duke lënë një gjurmë të rëndësishme në historinë e klubit.