Selektori i Zvicrës, Murat Yakin, ka reaguar pas kritikave publike ndaj kapitenit Granit Xhaka, të cilat sipas mediave kishin krijuar një atmosferë toksike në ekip. Yakin e ka cilësuar si një sulm personal ndaj Xhakës dhe ka theksuar se është në kontakt të vazhdueshëm me të, duke pasur edhe një bisedë të rëndësishme para ndeshjes ndaj Bosnjë-Hercegovinës. Në këtë takim, Yakin ka vërejtur ndikimin që kritikave i kanë pasur tek Xhaka, por ka theksuar se në fushë ai duhet të jetë i fokusuar dhe energjik. Në ndeshjen e fundit, Xhaka ka shkëlqyer duke qenë lider në mesfushë, duke ofruar shumë pasime dhe duke fituar duele të rëndësishme sulmuese, gjë që selektori e ka vlerësuar lart.