Vedat Muriqi po kalon një nga sezonet më të mira të karrierës së tij në La Liga dhe sonte rikthehet në fushë me një mision të qartë: të vazhdojë formën fantastike dhe të ndihmojë Mallorca-n në një ndeshje kyçe për mbijetesën në elitën e futbollit spanjoll. Përballja me Valencian, që zhvillohet në stadiumin "Son Moix", ka rëndësi të madhe pasi të dy skuadrat ndodhen në zonën e rrezikut për rënie nga liga, me vetëm një pikë diferencë mes tyre.