Sonte zhvillohet një nga derbit më të zjarrtë të futbollit turk, ku Fenerbahçe do të presë Besiktasin në një ndeshje që pritet të jetë spektakolare. Në këtë përballje, dy futbollistët më të spikatur kosovarë, Vedat Muriqi dhe Milot Rashica, do të jenë në ekipe kundërshtare, duke shtuar emocionin për tifozët nga Kosova. Ndeshja nis në ora 19:00 dhe pritet të jetë një duel i fortë në një nga rivalitetet më të mëdha të futbollit turk. Përveç sfidës sportive, kjo ndeshje ka një rëndësi të veçantë për komunitetin kosovar, që do të ndjekë me shumë interes përballjen mes dy yjeve të tyre.