Sulmuesi i Kombëtares së Kosovës, Vedat Muriqi, është shumë pranë një transferimi te Galatasaray, ku trajneri Okan Buruk ka marrë iniciativën për ta bindur personalisht. Buruk dhe Muriqi kanë bashkëpunuar më parë te Çaykur Rizespor, dhe trajneri dëshiron ta ketë sulmuesin 32-vjeçar në skuadër për sezonin e ri. Muriqi, i cili ka kontratë me Mallorcan deri në vitin 2029 dhe ka shënuar 22 gola në La Liga këtë sezon, është i hapur për rikthim në Turqi. Tifozët e Galatasarayt presin me entuziazëm këtë transferim, ndërsa priten hapa zyrtarë në ditët në vijim për finalizimin e marrëveshjes.