Sulmuesi i Kosovës, Vedat Muriqi, po afrohet me hapa të mëdhenj ndaj yllit francez Kylian Mbappe në garën për golashënuesin më të mirë të La Ligës, “Këpucën e Artë”. Muriqi ka shënuar 22 gola në 34 ndeshje dhe është vetëm dy gola larg Mbappes, i cili prin me 24 gola, por që është i dyshuar të mos luajë më shumë për shkak të një lëndimi. Me tri xhiro të mbetura në sezon, Muriqi ka mundësinë të shënojë në të gjitha ndeshjet e Mallorcas dhe të marrë kreun e listës së golashënuesve. Sipas gazetës “Marca”, rikthimi i Mbappes është i pritshëm, por sfida për “Trofeun Pichichi” do të jetë shumë e fortë, ndërsa lojtarë të tjerë si Budimir, Torres dhe Yamal mbeten në ndjekje me gola më pak.