Sulmuesi i Kombëtares shqiptare, Myrto Uzuni, u rikthye në formacionin titullar të Austin dhe shënoi një gol të rëndësishëm në minutën e fundit të pjesës së parë të ndeshjes ndaj Houston Dynamo, duke dyfishuar rezultatin në 2-0. Goli erdhi pas një goditjeje dënimi të fituar nga Fakundo Torres dhe një pasimi të Joseph Rosales, ku Uzuni goditi fuqishëm topin që u devijua dhe përfundoi në rrjetë. Ky ishte goli i tretë i Uzunit këtë sezon në MLS, duke e çuar bilancin e tij në 3 gola dhe 3 asistime në nëntë paraqitje. Austin aktualisht renditet i 12-ti në Konferencën Lindore me 10 pikë, ndërsa Uzuni u shpall “Lojtari i Ndeshjes” me notën 8.0 për paraqitjen e tij.