Napoli ka fituar derbin e javës së 31-të të Serie A ndaj Milanit me rezultat 1-0 në stadiumin “Diego Armando Maradona”. Golin e vetëm të ndeshjes e shënoi Matteo Politano në minutën e 79-të, duke i dhënë fitoren skuadrës së tij dhe duke e ngjitur në vendin e dytë në renditje me 65 pikë. Milan, nga ana tjetër, bie në vendin e tretë me 63 pikë, duke i zbehur shumë shanset për titullin kampion. Napoli mbetet në garë për titull, por është ende shtatë pikë prapa liderit Inter, i cili ka 72 pikë.