Napoli ka rikthyer fitoren në Serie A pas dy ndeshjesh pa fitore, duke mposhtur Veronën me rezultatin 2:1 në ndeshjen e javës së 27-të. Sulmuesi Rasmus Hojlund kaloi Napolin në epërsi që në minutën e dytë, ndërsa Verona barazoi në minutën e 65-të me golin e Jean-Daniel Akpa Akpro. Fitorja u vendos në minutën e 96-të nga Romelu Lukaku, i cili shënoi golin e fitores për mysafirët. Kapiteni i Napolit dhe i kombëtares së Kosovës, Amir Rrahmani, mungoi për shkak të një lëndimi, duke qenë një humbje e madhe për skuadrën kampione në fuqi. Pas kësaj fitoreje, Napoli renditet në vendin e tretë me 53 pikë, ndërsa Verona mbetet në fund të tabelës me vetëm 15 pikë.