Ish-futbollisti i njohur shqiptar Agim Bubeqi, pjesë e skuadrës së Flamurtarit të viteve 80-ta, ka ndërruar jetë në moshën 63-vjeçare. Ai u bë i famshëm për rolin e tij në eliminimin e Partizanit të Beogradit nga Kupa UEFA në vitin 1987, një nga momentet më të rëndësishme të futbollit shqiptar në arenën ndërkombëtare. Bubeqi u gjet i pajetë në banesën e tij këtë të mërkurë, ndërsa klubi i Flamurtarit shprehu ngushëllimet më të sinqerta për humbjen e kësaj ikone të futbollit. Ish-shoku i tij i skuadrës, Sokol Kushta, reagoi me një postim prekës ku e kujtoi Bubeqin si një profesionist dhe djalë model, duke shprehur dhimbjen për humbjen e një prej emrave më të rëndësishëm të futbollit vlonjat dhe shqiptar.