Kampionati Botëror i Futbollit nis me një përballje emocionuese mes Meksikës dhe Afrikës së Jugut në stadiumin “Azteca” në Mexico City. Meksika, një nga tri vendet nikoqire dhe favorite e Grupit A, kërkon të vazhdojë serinë e saj të pamposhtur në tetë ndeshjet e fundit, ndërsa Afrika e Jugut synon të bëjë befasinë pas rikthimit në skenën botërore pas 16 vjetësh. Ceremonia hapëse do të shoqërohet me performanca të artistëve të njohur si Shakira, J Balvin dhe Tyla, duke krijuar një atmosferë festive para fillimit të ndeshjes. Në këtë grup janë edhe Çekia dhe Koreja e Jugut, ndërsa dy ekipet më të mira së bashku me tetë nga vendet e treta do të kalojnë në fazën tjetër të turneut.