Sonte në orën 20:45 Kosova do të përballet me Turqinë në një ndeshje historike që do të vendosë fatin për Botërorin. Federata e Futbollit të Kosovës ka njoftuar se kjo ndeshje do të transmetohet nëpër sheshe të ndryshme në mbarë vendin, duke përfshirë tri pika kryesore në Prishtinë. Në kryeqytet, tifozët do të kenë mundësinë ta ndjekin ndeshjen në ekrane gjigante në sheshin “Zahir Pajaziti”, sheshin “Skënderbeu” dhe pranë Pallatit të Rinisë. Kjo iniciativë synon të krijojë një atmosferë festive dhe të bashkojë qytetarët në festën e madhe të futbollit.