Sonte në stadiumin “Maradona” zhvillohet ndeshja kyçe mes Napolit dhe AC Milanit, e cila pritet të vendosë fatin e sezonit në Serie A. Pas fitores së Inter ndaj Romës, presioni mbi Napolin dhe Milanin është maksimal, pasi vetëm fitorja i mban ata në garë për titull, ndërsa barazimi do të zbehte shpresat e tyre. Napoli vjen në formë të mirë me katër fitore radhazi, por do të mungojnë disa lojtarë kyç si Romelu Lukaku, Rrahmani, Neres, Di Lorenzo dhe Vergara, për shkak të lëndimeve dhe problemeve me trajnerin Conte. Milani ka mungesa më të pakta, vetëm Gabbia është jashtë, ndërsa rikthimi i Rafael Leaos në grup është një lajm pozitiv, megjithëse ai mund të mos jetë titullar. Ndeshja pritet të jetë me ritëm të lartë dhe me shumë tension, ku fitorja do të mbajë gjallë garën për titull, ndërsa çdo rezultat tjetër favorizon Interin drejt Scudettos.