Zvicra dhe Bosnjë-Hercegovina do të përballen në një ndeshje kyçe në Grupin B, që zhvillohet në stadiumin “SoFi” në Los Angeles. Të dyja ekipet kanë nga një pikë dhe kërkojnë fitoren për të bërë një hap të rëndësishëm drejt fazës tjetër të garës. Zvicra vjen pas një barazimi të papritur ndaj Katarit, ku nuk arriti të shfrytëzonte rastet e krijuara, ndërsa kapiteni Granit Xhaka ka kërkuar nga skuadra të qëndrojë e përqendruar dhe me “këmbë në tokë”. Kjo do të jetë përballja e parë zyrtare mes dy përfaqësueseve, ndërsa në miqësoren e vitit 2016 Bosnjë-Hercegovina kishte fituar 2:0 në Cyrih.