Mesfushori i Kombëtares shqiptare, Nedim Bajrami, është shumë pranë transferimit në Arabinë Saudite, ku pritet të huazohet te skuadra Al-Taawoun për sezonin 2026/27. Oferta prej 3 milionë eurosh e klubit arab është në proces pranimi nga Rangersi skocez, ndërsa negociatat janë në fazën përfundimtare dhe mbeten vetëm procedurat zyrtare për të mbyllur marrëveshjen. Bajrami, i cili nuk pati shumë minuta loje në sezonin e kaluar te Rangers, duket se po kërkon më shumë hapësirë dhe sfida të reja në elitën e futbollit arab. Ky huazim pritet të zyrtarizohet së shpejti, duke shënuar një ndryshim të rëndësishëm në karrierën e 27-vjeçarit, i cili është pjesë e Rangersit që nga viti 2024 me kontratë deri në vitin 2028.