Nedim Bajrami, mesfushori me tipare sulmuese i Kombëtares shqiptare, është huazuar zyrtarisht te skuadra e Al Taawoun në Arabinë Saudite. 27-vjeçari, i cili ishte jashtë planeve të Rangers, është transferuar me opsion blerje për 2.5 milionë funte. Klubi i ri e ka prezantuar Bajramin në një mënyrë të veçantë dhe brilante, duke e quajtur “magjistar” dhe duke theksuar rëndësinë e tij për ekipin. Ky transferim shënon një hap të ri në karrierën e futbollistit shqiptar, i cili tashmë do të sfidojë në elitën e futbollit saudit.