Neymar u shpreh ashpër ndaj një pjese të tifozëve të Santosit pas ndeshjes së fituar 2-1 ndaj Macara-s në Copa Sudamericana. Ai kritikoi mentalitetin negativ të tyre, duke thënë se nëse nuk do të ndryshojnë qëndrim, më mirë të mos shkojnë në stadium. Gjatë ndeshjes, Neymar dha dy asistime dhe ishte protagonist në përmbysjen e rezultatit, por u shpreh i zhgënjyer nga vërshëllimat dhe kritikat që mori ekipi në fillim të takimit. Ai kërkoi më shumë mbështetje dhe inkurajim nga tifozët, duke theksuar se është e lehtë të duash skuadrën vetëm kur fiton. Santos tani do të përballet me Vasco da Gamën në një ndeshje vendimtare për renditjen në tabelë.