Të premten në orën 20:00 nis xhiroja e 22-të e Superligës së Kosovës në hendboll për meshkuj, me të gjitha ndeshjet që zhvillohen njëkohësisht. Tri skuadrat kryesore të tabelës synojnë fitore të reja, ndërsa rivaliteti më i madh pritet të jetë në përballjen Llapi – Vëllaznimi në Podujevë, ku ndeshja e fundit përfundoi baras 27:27. Vëllaznimi ndodhet në pozitë më të favorshme në tabelë me 20 pikë, ndërsa Llapi ka 15 pikë dhe të dyja kërkojnë vend në play-off. Lideri Kastrioti do të luajë në kryeqytet ndaj Prishtinës, kampionët aktualë Rahoveci presin Vushtrrinë, ndërsa Besa Famgas përballet me Trepçën.