Xhiroja e 25-të e Superligës së Kosovës në futboll nis sot me dy ndeshje që priten të jenë mjaft interesante. Malisheva, që synon një vend në garat evropiane sezonin e ardhshëm, do të përballet me Drenicën, e cila vjen e motivuar pas fitores surprizë ndaj Gjilanit. Ndeshja tjetër është ajo ndërmjet Ferizajt dhe Prishtinës; Prishtina, e treta në tabelë, po kalon një krizë rezultatesh me vetëm një fitore në pesë ndeshjet e fundit, ndërsa Ferizaj po lufton për të shmangur rënien nga Superliga. Të dy takimet do të fillojnë në orën 13:00 dhe priten me interes nga tifozët e futbollit kosovar.