Një nga shtatë futbollistet iraniane që kërkuan azil në Australi ka ndryshuar mendje dhe ka vendosur të largohet, duke i detyruar autoritetet australiane të zhvendosin me nxitim gjashtë anëtaret e tjera të ekipit në një vend të sigurt. Ministri australian i Punëve të Brendshme, Tony Burke, njoftoi se futbollistja u këshillua nga shoket e ekipit dhe trajneri që të kontaktonte ambasadën iraniane, duke zbuluar kështu vendndodhjen e tyre. Kjo situatë ka rritur frikën për sigurinë e grave, të cilat janë mbrojtur nga policia australiane në vendin ku ndodhen aktualisht. Lojtaret kishin kërkuar azil pas presionit dhe kritikave në Iran, ku u cilësuan si tradhtare për moskëndimin e himnit kombëtar gjatë një ndeshjeje në Australi, ndërsa autoritetet iraniane i kanë ftuar ato të kthehen në shtëpi.