Brescia Calcio, një nga klubet tradicionale të futbollit italian, ka përfunduar historinë e saj pas 114 vjetësh ekzistence. Gjykata në Brescia ka urdhëruar likuidimin ligjor të klubit, duke vulosur kështu fundin e krizës financiare që e kishte detyruar të tërhiqej nga futbolli profesionist në verën e vitit 2025. Problemet e thella financiare, përfshirë parregullsi në pagesat dhe kredi tatimore të rreme, çuan në penalizime dhe rënie në kategori, ndërsa presidenti Massimo Cellino nuk arriti të përmbushte detyrimet financiare. Federata Italiane e Futbollit i revokoi licencën, duke shënuar kështu zhdukjen e klubit ku dikur luanin yje si Roberto Baggio, Andrea Pirlo dhe Pep Guardiola.