Lidhja Rajonale e Futbollit në Prizren ka bërë një apel publik për ndihmë ndaj Xheladin Krasniqit – Xhelës, një prej përkrahësve më të njohur të sportit në qytet, i cili po kalon një periudhë të rëndë shëndetësore. Xhela ka dhënë kontribut të madh si vullnetar dhe mbështetës i sportit, veçanërisht futbollit, që nga koha e pavarësimit dhe pas luftës, duke qenë gjithmonë pranë komunitetit sportiv pa kërkuar asgjë në këmbim. Tani, kur sëmundja i ka pamundësuar edhe lëvizjen, ai ka nevojë për përkrahjen e të gjithëve, dhe çdo ndihmë, sado e vogël, është e rëndësishme për të dhe familjen e tij. Lidhja Rajonale e Futbollit fton qytetarët dhe sportdashësit që të tregojnë solidaritet dhe humanizëm duke kontribuar për shëndetin dhe forcën e Xhelës në këtë moment të vështirë.