Nora Gjakova, kampionia olimpike e Tokios 2020 në xhudo, ka nisur një kapitull të ri në karrierën e saj duke u bërë trajnere në Federatën e Xhudos së Valonisë në Belgjikë. Pas tërheqjes nga sporti aktiv në vitin 2026, ajo iu bashkua stafit të trajnerëve ku do të punojë së bashku me Pedro Guedes, me synimin për të zhvilluar gjeneratat e reja të sportistëve belgë. Gjakova përjetoi një periudhë të vështirë për shkak të një lëndimi serioz dhe lodhjes mendore, çka e bëri të marrë vendimin për t’u tërhequr nga gara pas Grand Slamit të Parisit në 2025. Në rolin e saj të ri, ajo mbetet besnike ndaj filozofisë së trajnerit të saj Driton Kuka, duke përqendruar punën në teknikë, disiplinë dhe përgatitje strikte, por edhe më shumë mirëkuptim ndaj sportistëve.