Norvegjia do të përballet me Senegalin në Kupën e Botës 2026, në një ndeshje që pritet të jetë shumë e fortë dhe e ekuilibruar. Pas një nisjeje të shkëlqyer me fitoren 4:1 ndaj Irakut, ku Erling Haaland shënoi dy gola, norvegjezët kërkojnë fitoren e dytë për të vazhduar serinë e tyre prej 11 fitoreve rresht. Ndeshja do të zhvillohet në stadiumin “MetLife” në New Jersey, në orën 02:00 të mëngjesit të së martës sipas kohës së Kosovës. Senegal, që u mposht nga Franca 3:1 në ndeshjen e parë të grupit, do të kërkojë hakmarrje, duke pasur parasysh se përballja e fundit mes tyre ishte para 20 vjetësh në një miqësore ku senegalezët fituan 2:1. Megjithatë, sfida pritet të jetë e vështirë për senegalezët, pasi norvegjezët udhëhiqen në sulm nga Haaland, i cili po shkëlqen në këtë Botëror.