Sot në mesditë është zhvilluar një takim mes drejtuesve të Trepçës dhe përfaqësuesve të familjes Berisha, ndërmjetësues të donatorëve nga Amerika, të cilët kanë prezantuar një ofertë serioze për të marrë në dorë klubin mitrovicas. Blerim Berisha, ish-futbollist i klubit, ka shpjeguar plan-projektin e një biznesmeni të suksesshëm shqiptar që vepron në SHBA, i cili premton ngritjen e klubit në nivele më të larta brenda pak vitesh. Aktualisht përgjigja është në dorë të familjes Haxhiu, që prej kohësh është në krye të klubit, dhe pritet të merret brenda kësaj jave. Përveç ofertës amerikane, interes për marrjen e Trepçës kanë shfaqur edhe biznesmenë turq dhe një shqiptar nga Kroacia, ndërsa tifozët kanë shprehur pakënaqësi ndaj kryesisë aktuale dhe kërkojnë ndryshime.