Futbollisti i kombëtares shqiptare dhe kosovare, Arbër Hoxha, mund të largohet nga Dinamo e Zagrebit gjatë afatit kalimtar veror, pas rikthimit të Mislav Orshiq në skuadër që pritet të reduktojë hapësirat në repartin ofensiv. Mediat kroate raportojnë se një klub i fuqishëm financiarisht nga Polonia ka shfaqur interes serioz për Hoxhën, duke ofruar një shumë që mund të arrijë deri në pesë milionë euro për kartonin e tij. Nëse transferimi realizohet, sulmuesi do të përfitojë një pagë vjetore mbi një milion euro, pothuajse dyfish më shumë se në Dinamo. Hoxha, i cili iu bashkua Dinamos në janar 2024 me kërkesë të trajnerit Sergej Jakiroviq, ka shënuar 12 gola dhe ka dhuruar 15 asistime në 105 ndeshje, duke justifikuar investimin e bërë nga klubi kroat.