Sport Club Gjilani ka zyrtarizuar transferimin e mbrojtësit 22-vjeçar Olt Haziri, i cili nga sot është pjesë e skuadrës që garon në elitën e futbollit kosovar. Haziri luan kryesisht si mbrojtës i krahut të djathtë, por mund të aktivizohet edhe në qendrën e mbrojtjes, duke i dhënë trajnerit më shumë opsione në repartin defensiv. Gjilani po kalon një fillim të mirë sezoni, duke u renditur aktualisht në vend të dytë me 7 pikë pas tri javëve të para, në barazim me liderin Malisheva. Ky transferim synon të forcojë më tej skuadrën dhe të kontribuojë në arritjen e objektivave për sezonin e ri.