Një hetim trevjeçar i historianit italian Fiorenzo Santini ka zbuluar se Lionel Messi mund të ketë prejardhje nga Brazili, duke nxitur diskutime të gjera në botën e futbollit. Sipas raportit të publikuar nga media braziliane Globo, stër-stërgjyshi i Messit emigroi nga Italia në Brazil në vitin 1899, ku familja jetoi për një periudhë para se të shpërngulej në Argjentinë. Gjatë kohës në Brazil, mbiemri i familjes dhe disa emra u ndryshuan, por nuk ka dokumente që tregojnë se familja ka qëndruar më gjatë në Brazil pas shpërnguljes në Argjentinë. Megjithëse ky zbulim ka ngjallur interes të madh në mediat sportive dhe rrjetet sociale, pretendimet e historianit mbeten të pakonfirmuara zyrtarisht.