Victor Osimhen, sulmuesi i Galatasarayt dhe reprezentues i Nigerisë, ka reaguar me një përgjigje të matur ndaj spekulimeve për një transferim te Arsenali, duke mos konfirmuar asgjë, por duke lënë hapur mundësinë e largimit. Ai theksoi se është i fokusuar aktualisht te përgatitjet parasezonale dhe puna me klubin turk, duke shmangur diskutimet direkte për të ardhmen e tij. Sipas raportimeve të Daily Mail, Arsenali është favoriti kryesor për të marrë shërbimet e tij, ndërsa Galatasaray e vlerëson Osimhenin rreth 67.9 milionë euro. Nëse klubi londinez do të veprojë, ky transferim mund të jetë një nga goditjet më të mëdha të afatit kalimtar për “Topçinjtë”.