Tijjani Reijnders po përgatitet të transferohet nga Manchester City te Al-Qadsiah në Arabinë Saudite, ku do të përfitojë një kontratë pesëvjeçare me vlerë rreth 100 milionë euro. Kjo shumë e jashtëzakonshme e vendos mesfushorin holandez mes futbollistëve më të paguar në ligën saudite, me një pagë javore prej afërsisht 385 mijë eurosh. Transferimi vjen vetëm një vit pas ardhjes së tij nga Milani në Manchester City, ku ai nuk arriti të konsolidohej si titullar dhe pati vetëm pesë paraqitje të rregullta në pjesën e dytë të sezonit në Premier League. Klubi anglez ka arritur marrëveshje me Al-Qadsiah për një shumë prej rreth 52 milionë funte, ndërsa transferimi pritet të finalizohet pas testeve mjekësore, duke hapur kështu një kapitull të ri dhe fitimprurës në karrierën e Reijnders.